ماذا قال الشاعر تامر حسين عن عزيز الشافعي بعد أزمة أغنية "بحرية"؟

علق الشاعر الغنائي تامر حسين، على أزمة الملحن عزيز الشافعي وأغنية "بحرية" للمطربة شيرين عبدالوهاب والمطرب محمد حماقي.

وقال تامر حسين: "أنا طبعا شهادتي مجروحة في عزيز الشافعي، كصديق وكراجل مٌبدع سواء مؤلف أو مٌلحن، إلتزمت الصمت لحد الفيديو بتاعهٌ اللي عملهٌ إمبارح".

وتابع:"إحتراما لأراء الجمهور سواء اللى عاجبهٌ أو اللي مش عاجبهٌ.. جميع الأراء تٌحترم وعزيز نفسهٌ أكيد يتقبل ده بصدر رحب طالما فى نطاق النقد الطبيعي والإحترام المتبادل دون التجريح في شخصهٌ ودى بتحصل معانا جميعاً ممكن تتوفق فى عمل وعمل تاني ميعجبش الناس مفيش عداء بينا وبين الجمهور اللى ياما سقف لنا وشجعنا وكّبر أسامينا بثقتهٌ فينا وفي أعمالنا ومقدر جداً فكرة العشم الفنى من الجمهور في المبدع اللى بيدعمهٌ".

وأوضح:"بس حقيقى فى فرق شاسع بين (نقد بناء) يفيد المبدع ويرجعهٌ لصوابهٌ وبين حد بينتقد بمنتهى القسوة مابيتعاملش معاك كابنى أدم يسب و يتجاوز و يلعن ويلغى تاريخك بالكامل ويختزلهٌ فى عمل انت مش موفق فيه بالنسبالهٌ".

واستكمل:"أنا شايف ان عزيز كتب أغانى عظيمة كتير وكسرت الدنيا أخرهم مش حبيبى بس وكلكوا خاينين وقبلهم علامات انت مابتغبشي وزى مانتى وخاصمت الشوارع وتعالى أدلعك ودى أغانى اتشهرت فى الوطن العربى بالكامل وتانى وتالت ورابع بأكد ان المؤلف والملحن بيجيلهم المطرب عايز يسمع مجموعة أغانى يختار منهم اللى حابب يقدمهٌ المسؤلية مشتركة كمان مع المطرب اللى بيختار".

وأضاف:" مفيش مؤلف وملحن بيقرر ينزل مع مطرب بأغنية معينه بشكل ما المطرب زي مدير فنى لفريق كامل عايز من كل مٌبدع حاجة معينة من خلال رؤيته الكامله ل البومهٌ ممكن يبقى المبدع قدم اغانى دراميه او اغانى دسمة والمطرب شايف انهٌ محتاج منهٌ نوع تانى او اغانى اخف للصيف ومش قصدى مطرب بعينه  ده اللى بيحصل معانا جميعاً في احتياج كل مطرب ورؤيتهٌ".